Arbëri

Profesoresha nga Moska: Perëndimi po e krijon Shqipërinë e madhe

Politikologia, historiania, publicistja dhe profesoresha e Universitetit Shtetëror të Moskës për marrëdhënie ndërkombëtare Jelena Ponomarjeva ka thënë se Perëndimi të gjithë i frikëson me Serbinë e madhe e në realitet po e krijon Shqipërinë e madhe, transmeton Koha.net.

Në këtë mënyrë Perëndimi po i rrezikon interesat e popullatës serbe dhe të popujve ortodoksë, ka theksuar Ponomarjeva.

Ajo ka thënë se Shqipëria e madhe i nevojitet Perëndimit, ku, sipas saj, interesin më të madh për krijimin e saj e ka SHBA-ja dhe kompanitë transnacionale, porse, ka shtuar, ajo u duhet edhe shteteve arabe dhe Turqisë pasi që faktori islam po bëhet dominues në Ballkan.

Ponomarjeva, siç përcjell “blic” i Beogradit”, ka vlerësuar se shqiptarët u shpërbejnë amerikanëve për presion jo vetëm ndaj Serbisë, por edhe ndaj BE-së.

“SHBA është padyshim e interesuar për dobësimin e BE-së dhe të disa shteteve me qëllim të realizimit të interesave të saj në rajon. Shqiptarët për këtë janë aleatë shumë të përshtatshëm”, ka theksuar ajo.