Komiteti Disiplinor i Federatës së Futbollit të Turqisë i ka dhënë dënim prej tri ndeshje suspendim mbrojtësit të majtë të Fenerbahçes, Archie Brown.
Dënim me dy ndeshje moslojë mori qendërmbrojtësi i Galatasarayt, Abdulkerim Bardakci.
Këto dënime, Federata turke i ka dhënë të premten pas përleshjes që skuadrat patën të hënën pas derbit të Stambollit që u fitua nga Galatasaray, 2:1.
Përleshja mes lojtarëve erdhi menjëherë pasi gjyqtari i dha fund ndeshjes. U desh edhe ndërhyrja e Policisë për ta qetësuar situatën.
Gjyqtari i përjashtoi me të kuq Brownin dhe Bardakcin, ndërsa Roland Sallai i Galatasaray dhe Kerem Akturkoglu i Fenerbahçes u ndëshkuan me të verdhë. Galatasaray është dënuar me afro 38 mijë e 50 euro, ndërsa Fenerbahçe me afro 23 mijë euro.
Galatasaray është kampion i katër edicioneve të fundit në Superligë. Prin në tabelë me 22 pikë pas nëntë xhirove. Fenerbahçe është në vendin e pestë me 16 pikë.