Ukrayna, ABD'nin Starshield uydu hizmetinde bir başka kesinti yaşandığını bildirdi.

Presidenti ukrainas, Volodymyr Zelensky, ka thënë të enjten se njësitë ushtarake ukrainase kanë regjistruar ndërprerje të konsiderueshme të shërbimit të komunikimit satelitor Starshield për disa ditë me radhë, duke prekur të gjithë vijën e frontit dhe pjesët e Ukrainës të pushtuara nga Rusia.

Në një postim në Telegram, Zelensky ka thënë se kufizimet sistematike po e kufizonin shpejtësinë e përdorimit të Starshield në 161 kilometra në orë. Starshield është versioni ushtarak i shërbimit të komunikimit satelitor Starlink të kompanisë SpaceX.

Si pasojë e këtyre kufizimeve, dronët interceptues ukrainas nuk mund të arrinin shpejtësinë e nevojshme për të rrëzuar dronët rusë me motorë reaktivë. Zelensky ka thënë se tashmë ishin regjistruar edhe disa goditje.

“Kjo po i ndihmon rusët të vrasin më shumë ukrainas dhe të kryejnë sulme më të sakta ndaj Ukrainës”, ka deklaruar Zelensky. Ai ka shtar se Ukraina po përpiqej të sqarojë me palën amerikane arsyet e vendosjes së këtij kufizimi.

Në mesin e tetorit, zyrtarët ukrainas kanë thënë se SpaceX kishte vendosur papritur një kufizim të shpejtësisë për Starlink dhe Starshield, duke ndërprerë funksionimin e dronëve dhe pajisjeve të tjera që lëviznin me shpejtësi mbi rreth 160 kilometra në orë. 

Kjo ka ndodhur në një kohë tensionesh me administratën Trump lidhur me sulmet ukrainase ndaj rafinerive ruse të naftës. Shërbimi është rikthyer më 24 tetor.

Ndërprerjet e reja vijnë një ditë pas përfundimit të dy ditëve të bisedimeve të paqes mes Rusisë dhe Ukrainës në Abu Dhabi, të ndërmjetësuara nga Shtetet e Bashkuara. Ky ishte takimi i parë i këtij lloji që nga shkurti. Një zyrtar ukrainas ka thënë se gjatë bisedimeve nuk ishte përmendur ndërprerja e shërbimit dhe se ende nuk dihej se kush e kishte marrë vendimin.

Ukraina ka ndërmarrë një sërë sulmesh ndaj rafinerive dhe instalimeve energjetike ruse gjatë javëve të fundit, ndërsa Moska ka vazhduar të godasë me intensitet infrastrukturën elektrike dhe qytetet ukrainase me dronë dhe raketa.