Edhe të dielën do të ketë protesta në kërkim të drejtësisë e përgjegjësisë institucionale pas vrasjes së Arlinda Zekajt.
Kolektivi për Mendim dhe Veprim Feminist ka bërë të ditur se protesta do të organizohet me fillim prej orës 17:00 në sheshin “Zahir Pajaziti” në Prishtinë. Do të jetë dita e pestë rresht e protestave.
E të dielën bëhen një javë prej vrasjes së 49-vjeçares nga ish-kunati i saj.
“Të dielën shihemi prapë te sheshi Zahir Pajaziti në ora 17:00. Nesër bëhen shtatë ditë nga dita kur Arlinda Zekaj u vra e pesë ditë që ne jemi në rrugë duke kërkuar drejtësi për të e për çdo grua të vrarë. Pesë ditë që me ngulm kërkojmë siguri dhe liri për çdo grua të gjallë. Kërkesat tona janë të qarta por shteti vazhdon të refuzojë të na dëgjojë. Ne nuk zmbrapsemi dhe çdo ditë që çel do të na gjejë në sheshe e përballë institucioneve që e dështuan Arlindën e po vazhdojnë ta dështojnë çdo çikë e gru në Kosovë. Këtë të diel mos rrini në shtëpi, dilni e bashkohuni në protestë. Le ta çojmë amanetin e Arlindës në vend”, thuhet në thirrjen e Kolektivit për protestë.
Arlinda Zekaj, 25 Ekim'de Peja'nın Vitomirica kentinde eski kayınbiraderi tarafından öldürüldü. Hayatının tehlikede olduğunu kurumlara bir mektupla bildirdikten birkaç gün sonra öldürüldü. Cinayet, eski kocasını tehditler nedeniyle polis karakoluna şikayet ettikten sonra geri döndüğünde gerçekleşti.
Vrasja e saj ka nxitur reagime të shumta, protesta dhe masa në institucione. Në mesin e zhvillimeve pas rastit është edhe dorëheqja e drejtorit të Përgjithshëm të Policisë së Kosovës, Gazmend Hoxha, si dhe suspendime të prokurorëve e policëve.
Protestuesit po kërkojnë që vrasja e grave të trajtohet si çështje urgjente kombëtare. Ata kanë kërkuar ndjekje penale të prokurorëve e gjyqtarëve që janë marrë me rastin e saj. Kanë kërkuar edhe shkarkimin e ministrave të Drejtësisë, Donika Gërvalla, e atij të Brendshëm, Xhelal Sveçla, pasi refuzuan dorëheqjen. E dorëheqje i është kërkuar edhe kryetarit të Pejës, Gazmend Muhaxheri.