Ministrja e Drejtësisë, Donika Gërvalla, ka thënë se Arlinda Zekaj i ishte drejtuar institucioneve të drejtësisë dhe nuk kishte marrë mbrojtjen e kërkuar.
“Fatkeqësisht ajo nuk iu drejtua Qeverisë. Po t’i drejtohej Qeverisë ndoshta do të kishte angazhim, duke respektuar natyrisht rendin kushtetues të vendit tonë. Po, duhet të ketë edhe shkarkime. Por, në rendin tonë kushtetutes, në republikën tonë parlamentare, nuk është ministri i Drejtësisë ai që shkarkon prokurorë apo gjyqtarë”, tha Gërvalla në seancën e Kuvendit, duke iu përgjigjur thirrjeve nga deputetë që ajo të japë dorëheqje.
