-
Припремила: Вита Абраши-Кајтази
- 26. октобар 2026. 12:50
- Учешће у:
Shqiptarja me famë botërore, Dua Lipa, është rikthyer në rolin e intervistueses, këtë herë në Festivalin e Letërsisë në Londër, ku ka zhvilluar biseda me shkrimtaren Zadie Smith, poetin dhe muzikantin Mustafa, si dhe ikonën e muzikës dhe letërsisë Patti Smith.
Si kuratore e ftuar e festivalit, përmes klubit të saj të leximit “Service95”, Lipa ka drejtuar disa nga ngjarjet kryesore të këtij edicioni, duke diskutuar me artistët për letërsinë, krijimtarinë dhe përvojat e tyre personale.
Gjatë bisedës me Zadie Smith, autore e romanit “White Teeth”, në fokus ishte pabarazia ekonomike dhe ndikimi i saj në ndasitë shoqërore, sidomos në qëndrimet ndaj multikulturalizmit dhe emigracionit në Britani, ka shkruar Старатељ.
Smith ka argumentuar se përkeqësimi i shërbimeve publike, mungesa e banesave dhe vështirësitë për të gjetur punë kanë bërë që dallimet mes njerëzve të perceptohen si kërcënim.
“Kur nuk gjen punë, nuk ka banesa të mjaftueshme dhe shkollat e spitalet po përkeqësohen, dallimet mes njerëzve fillojnë të duken si një kërcënim ekzistencial”, ka thënë shkrimtarja.
Ajo ka theksuar gjithashtu rëndësinë e rikthimit te një sistem që garanton arsim dhe kujdes shëndetësor cilësor për të gjithë.
Një tjetër moment i rëndësishëm ishte biseda me shkrimtaren Patti Smith, e zhvilluar në sallën Royal Festival Hall, ku të dyja diskutuan për librin e saj autobiografik “Bread of Angels”. Biseda përfshiu kujtimet e Patti Smithit, përvojat e saj të hershme me artin, procesin e të shkruarit dhe ndikimin që arti mund të ketë në përballimin e emocioneve të vështira, ka shkruar BroadwayWorld.
Ato folën gjithashtu për bashkëshortin e ndjerë të Patti Smithit, Fred “Sonic” Smith, dhe ndikimin e qëndrueshëm që ai ka pasur në jetën e saj.
Lipa ka zhvilluar edhe një bisedë me poetin, këngëtarin dhe regjisorin Mustafa rreth përmbledhjes së tij poetike “Nour”, që në arabisht do të thotë “dritë”. Vepra trajton tema si besimi, dashuria, humbja dhe bukuria e ritualeve të përditshme, ka shkruar SouthBankCentre.
Festivali i Letërsisë në Londër vazhdon deri më 1 nëntor, me një program që përfshin diskutime me shkrimtarë, poetë dhe artistë nga vende të ndryshme.
Lipa pati thënë se përmes “Service95”, ajo synon të afrojë publikun me letërsinë dhe të krijojë hapësira për biseda mbi librat dhe idetë që ndikojnë në mënyrën se si njerëzit e shohin botën.