Interi të dielën mbrëma e ka fituar derbin ndaj Comos me rezultatin 2:0.
Fitorja në xhiron e 11-të të Serie A, e ka afruar skuadrën e madhe italiane në vetëm një pikë me Lazion lidere. Lazio ka 29 pikë, kurse Interi numëron 28.
“Nerazurrët” të dy golat i realizuan në pjesën e parë.
Sulmuesi italian, Francesco Pio Esposito, e realizoi golin e parë në minutën e 12-të. Shtatë minuta më pas, Marcus Thuram, shënoi për 2:0.
Deri në momentet e fundit u përpoq të realizonte gol, por pa sukses dhe në fund fitorja i takoi Interit.
Për Interin ishte fitorja e dytë radhazi në të gjitha garat.
Ndërkohë për Comon ishte disfata e parë pas gjashtë fitoreve radhazi. Como ka 28 pikë dhe renditet në pozitën e pestë.