-
Превео: Флутура Гасхи-Мехмети
- 1. новембар 2026. 13:51
- Учешће у:
Presidenti amerikan, Donald Trump, do të zhvillojë të dielën fushatë në Ioëa dhe Kansas, ku do të mbajë tubime elektorale, të cilat fillimisht i anuloi për një kohë të shkurtër, përpara se të vendoste t’i rikthente në program.
Këto janë ndalesat e tij të fundit të planifikuara në kuadër të fushatës për zgjedhjet e mesmandatit, ndërsa për të hënën ka planifikuar të zhvillojë tubime virtuale përmes telefonit.
Sipas Shërbimit Kërkimor të Kongresit amerikan, Dita e Zgjedhjeve mbahet gjithmonë të martën pas të hënës së parë të muajit nëntor, në vitet me numër çift, pra në gjysmën e mandatit katërvjeçar të presidentit.
Në zgjedhjet e mesmandatit votuesit nuk marrin vendime të drejtpërdrejta elektorale për presidentin apo nënpresidentin, por zgjedhin anëtarët e Dhomës së Përfaqësuesve të SHBA-së, si dhe një të tretën e anëtarëve të Senatit amerikan.
Këtë vit, Dita e Zgjedhjeve do të jetë të martën, më 3 nëntor.
Votimi i hershëm në disa shtete ka nisur që nga mesi i shtatorit, ndërsa deri më tani janë hedhur të paktën 52 milionë vota.
Në javët e fundit, votimi i hershëm është hapur edhe në shtete të tjera. Megjithatë, disa prej tyre, përfshirë Misisipin, Alabamën dhe Nju Hempshërin, nuk ofrojnë mundësinë e votimit të hershëm fizikisht në vendvotime.
Koha kur do të mësohen rezultatet e zgjedhjeve do të varet nga kohëzgjatja e procesit të shpalljes së rezultateve nga secili shtet.
Edhe pse zyrtarët zgjedhorë mund të fillojnë të publikojnë rezultate jozyrtare sapo të mbyllen vendvotimet, ato duhet të verifikohen sërish gjatë ditëve dhe javëve në vijim, sipas Qendrës për Politika Dypartiake. Më pas, rezultatet certifikohen edhe në nivel lokal dhe shtetëror, sipas të njëjtit institucion.