-
Превео: Флутура Гасхи-Мехмети
- 1. новембар 2026. 12:45
- Учешће у:
Dhjetëra mijëra njerëz janë mbledhur në kryeqytetin e Indisë, Neë Delhi, të dielën, në një tubim të madh opozitar, ku kërkohet dorëheqja e kryekomisionerit zgjedhor të vendit për shkak të rishikimit të diskutueshëm të listave të votuesve.
Tubimi, i organizuar nga blloku opozitar INDIA dhe i udhëhequr nga Partia e Kongresit e Rahul Gandhit, ka mbledhur disa nga politikanët më të njohur të Indisë në sheshin Ramlila Maidan, një hapësirë e madhe në qendër të Neë Delhit.
Tubimi vjen pas disa javësh protestash opozitare kundër procesit të rishikimit të listave të votuesve, i cili ka çuar në heqjen e 130 milionë emrave nga listat paraprake zgjedhore.
Partitë opozitare akuzojnë kryekomisionerin zgjedhor, Gyanesh Kumar, dhe Partinë Nacionaliste Hindu të kryeministrit Narendra Modi, Bharatiya Janata Party (BJP), se po e përdorin këtë proces për të manipuluar zgjedhjet. Si BJP-ja, ashtu edhe Komisioni Zgjedhor i kanë mohuar këto akuza.
Protestuesit brohorisnin "Shpëtoni votën, shpëtoni vendin" dhe "Hajdut i votave, hiq dorë nga pushteti", ndërsa të tjerë këndonin dhe vallëzonin nën tingujt e këngëve patriotike të Bollywood-it.
Mijëra policë dhe pjesëtarë të forcave paramilitare u dislokuan në zonën përreth, ku u vendosën barrikada dhe u kufizua qarkullimi i trafikut.
Edhe grupi i presionit "Cockroach Janta Party" (CJP), i udhëhequr nga të rinjtë e Gjeneratës Z, ka shprehur mbështetjen për protestat, megjithëse udhëheqësit e tij ende nuk janë parë në këtë tubim.
Procesi, i njohur si Rishikimi i Posaçëm Intensiv (SIR), synon të heqë nga listat personat që kanë vdekur, janë larguar nga adresat ku kanë qenë të regjistruar ose që për arsye të tjera nuk kanë të drejtë vote, sipas Komisionit Zgjedhor të Indisë (ECI).
Megjithatë, opozita pretendon se votuesit që i plotësojnë kushtet për të votuar po hiqen qëllimisht nga listat, për t'i sjellë përfitime partisë në pushtet, BJP.
Polemikat u shtuan në shtator, pasi gazeta "The Indian Express" raportoi se Kumari kishte marrë vendime të rëndësishme lidhur me këtë proces, pavarësisht kundërshtimeve të dy komisionerëve të tjerë zgjedhorë, në dhjetëra raste.