Гранит Џака признава дека било „болно“ да биде исвиркан од навивачите на Арсенал и ги критикуваше приврзаниците за нивната „неразбирлива“ реакција кон него.
На швајцарскиот репрезентативец оваа недела му беше одземена капитенската лента на Арсенал, откако жестоко реагираше на навивачите кои го исвиркуваа додека беше заменет за време на второто полувреме од минатомесечното реми 2-2 со Кристал Палас.
Менаџерот на Арсенал, Унаи Емери му ја предаде капитенската лента на Пјер-Емерик Обамејанг. Додека по оваа акција, 27-годишниот Џака му кажа на Емери дека не сака да биде вклучен во последниот натпревар на клубот против Лестер, кој го загубија со резултат 2-0. Но, тој вели дека не се откажал од кариерата на Емирати.
„Бидете сигурни дека ќе продолжам да се борам и да се појавувам на секој тренинг.
Чувствувам дека помина последната недела и подготвен сум“, нагласи Џака.
Поранешниот играч за врска на Борусија Менхенгладбах и Базел нема играно за Арсенал од натпреварот против Кристал Палас, додека сега се зборува за негово заминување од клубот во јануари.
Кога четвртиот судија го покажа бројот на мојот дрес на таблата и потоа почнаа звуците од нашите навивачи, тоа силно ме погоди“, изјави Џака за швајцарскиот весник „Блик“. „Беше многу болно и фрустрирачки.
исто така
Џака пред четири години размислувал да се врати во Германија
„За мене оваа реакција е неразбирлива, особено во овој моментум и во ова непријателство во кое бев овде. Од кога се сеќавам, навивачите се составен дел од мојот спорт. И јас од почетокот многу ја почитувам посветеноста на навивачите да ни помогнат на нас играчите“, изјави понатаму Џака, пренесува Коха.нет.
„Разумните критики од нив не прават да растеме како спортисти. А моќта и енергијата што ја даваат на натпреварот го тера секој спортист уште повеќе да го сака фудбалот. Се чувствувам како дел од големо фудбалско семејство. Но, кога те критикуваат ова фудбалско семејство во период кога веќе си масовно напаѓан, многу боли“, додаде албанскиот играч за врска.
„Но, тоа не значи дека не можам да се справам со критиките. Ако јас и тимот не играме добро, мора да ги слушаме критиките и да работиме на тоа. Но, ако го навредувате и навредувате вашиот капитен, носите грижа и лошо расположение во тимот за кој навивате. Ова за мене нема смисла и ја слабее кохезијата“, потенцира Џака.
