Италијанецот Едоардо Реја ќе биде на чело на албанската репрезентација во следните четири години.
Италијанските медиуми во четвртокот објавија дека Реја веќе го прифатил обновувањето на договорот со Албанската фудбалска федерација (АФФ), кој се очекува да биде официјализиран многу наскоро, пишува Коха Диторе. 74-годишникот потпиша седуммесечен договор со Албанија во април оваа година, на местото на Кристијан Панучи, кој доби отказ.
Тие беа задоволни од работата на Реја во АФЛ и затоа му понудија четиригодишно продолжување.
„Тоа е многу убав предизвик и многу силен проект, ми дава многу ентузијазам. Ќе имам надзор на целото фудбалско движење и ако сум најстариот тренер на чело на репрезентативен тим, ова ме прави да се чувствувам добро“, изјави Реја за италијанските медиуми.
Реја како тренер има работено и со екипи како Аталанта, Лацио, Хајдук, Наполи, Каљари, Катанија, Џенова, Виченца, Торино, Бреша, Лече, Болоња, Верона, Пескара и други.
