Поп ѕвездата Бритни Спирс на Инстаграм изрази благодарност за успехот на нејзиниот последен сингл „Hold Me Closer“.
Таа во оваа прилика му се заблагодари на британскиот музичар Елтон Џон што и ја дал довербата да го изведе нивниот хит дует.
Познатата американска пејачка објави и фотографија со својата порака, на која се гледа како позира на клавирот на Елтон, кому му се заблагодари што ѝ верувала да направи ваква „кул“ песна.
„Ти благодарам Елтон Џон што ми даде доверба и веруваше во мене што направи толку кул песна. „Hold Me Closer“ беше рангирана во првите десет на табелата „Billboard“ и на првото место на музичката платформа iTunes.
исто така
Бритни Спирс и Елтон Џон наскоро ќе соработуваат
Комбинирајќи елементи од минатите хитови на Џон „Tiny Dancer“ и „The One“, новата песна од познатото дуо, која се карактеризира со звуците на денс жанрот, дебитираше на шестото место на листата на топ 100 песни во Америка. Благодарение на овој успех, „Hold Me Closer“ го означува најдоброто место на Спирс на Билборд од 2012 година кога ја објави нејзината соработка со will.i.am, „Scream and Shout“.
Минатата недела Спирс и Џон го објавија првиот официјален ремикс на „Hold Me Closer“, кој доаѓа преработен од британскиот диџеј и продуцент Џоел Кори.
