Olimpija e Lubjanës e fitoi 1:0 derbin e 167-të ndaj Mariborit, të shtunën, ndërsa golin e fitores e realizoi sulmuesi Indrit Tuci.
Tuci ka thënë se kjo fitore u arrit falë karakterit të bashkëlojtarëve. Ai ua dedikoi golin tifozëve të flaktë të skuadrës sllovene.
Olimpija tani i ka 22 pikë, dy më pak se Maribori që është i dyti në tabelë.
Koperi është lider me 25 pikë.
“Kur e vendos derbin, ndjenja është e veçantë. Kemi luajtur ndeshje të madhe. Shpresoj të vazhdoj me paraqitje të tilla. Derbit vendosen me karakter, dëshirë dhe shpirt luftarak. Këto ndeshje nuk vendosen me detaje taktike, por me guxim dhe energji të vërtetë”, ka thënë Tuci për “Planetnogomet” të dielën.
26-vjeçari ka pesë paraqitje me Shqipërinë. Ai ka thënë se Olimpija do të luftojë deri në fund për titull kampioni.