Mauricio Pochettino është i interesuar të marrë drejtimin e Manchester Unitedit, në rast se i jepet mundësia të largohet nga posti i përzgjedhësit të Përfaqësueses së Shteteve të Bashkuara të Amerikës, shkruan të martën “The Guardian”.
Edhe drejtuesit e Unitedit e shohin argjentinasin si një prej kandidatëve për pozitën e trajnerit.
Unitedi pritet të ndahet me trajnerin Michael Carrick, pas rezultateve negative në Premier League.
54-vjeçari Pochettino ka një klauzolë lirimi në kontratën me amerikanët, prej rreth 10 milionë dollarësh.
Kjo shumë mund të rritet nëse Unitedi dëshiron të angazhojë edhe stafin e tij teknik, përfshirë ndihmësin Jesus Perez.
Pochettino mori drejtimin e SHBA-së në vitin 2024 dhe pas përfundimit të Kupës së Botës 2026 vazhdoi bashkëpunimin me federatën amerikane, duke nënshkruar kontratë deri në vitin 2030.
Unitedi ka tetë ndeshje radhazi pa fitore në kampionatin anglez.
“Djajtë e Kuq” në total kanë një fitore, pesë barazime dhe katër humbje.