Real Madridi e shënoi vetëm fitoren e dytë në tetë ndeshjet e fundit ndaj Barcelonës, ndërsa kthimi i Jose Mourinhos në “El Clasico” u shndërrua në makth për kampionen në fuqi.
Në klasiken e parë gjatë periudhës së parë të Mourinhos në krye të Real Madridit, Barcelona e shkatërroi skuadrën e tij me rezultatin 5:0 në “Camp Nou”.
Fitorja 2:1 në arenën e njëjtë, në përballjen e parë të periudhës së dytë, sugjeron se Real Madridi i Mourinhos mund të sfidojë dominimin e fundit të Barcelonës në La Liga.
Edhe pse rastet për shënim ishin të ndara në mënyrë të barabartë, statistikat nuk ishin pasqyrim real i asaj që ndodhi në fushë. Barcelona kishte më shumë goditje në portë, e kishte më shumë topin dhe bërim më shumë pasime. Por Real Madridi luajti sikur t’i kishte përgjigjet për testin që e kishte vënë përpara Barcelona.
“Djemtë zhvilluan ndeshje të jashtëzakonshme”, tha Mourinho në konferencë për shtyp.
“Të organizuar shumë mirë, të përqendruar dhe duke treguar guxim për të nxjerrë topin nga prapavaija, përballë një kundërshtari që bënte presion të lartë”.
Në shumë raste skuadra e Mourinhos e lëvizi topin me shpejtësi dhe saktësi në gjysmën e saj të fushës, duke arritur kështu t’i shpëtonte presionit të Barcelonës.
Fede Valverde u lavdëruar nga Mourinho që luajti i lënduar. Për më tepër ai tregoi kthjelltësi mendore për të identifikuar hapësirat.
Uruguaiani e bëri këtë duke luajtur si mbrojtës i djathtë, pavarësisht se në shtator 2025 kishte deklaruar se nuk ka lindur për të luajtur mbrojtës anësor. Më vonë Valverde mohoi të ketë shprehur ndonjë hezitim për të luajtur në mbrojtje, ndonëse disa media spanjolle e interpretuan këtë si shenjë pakënaqësie.
Për ndeshjen e tretë radhazi, kapiteni i Real Madridi e nisi lojën si mbrojtës i djathtë dhe bëri paraqitje prej kapiteni.
Paraqitja mbresëlënëse e Valverdes në një pozicion që nuk është i preferuari i tij dëshmon se Mourinho jo vetëm që po gjen zgjidhje taktike për të nxjerrë më të mirën nga lojtarët, por po fiton edhe besimin e zhveshtores së madrilenëve.
Mourinho theksoi se largimi nga “Camp Nou” me vetëm tri pikë diferencë nga Barcelona, “i jep skuadrës qetësi dhe është plotësisht e merituar”.
Fitorja pritet të forcojë moralin dhe unitetin brenda skuadrës së Real Madridit. Mourinho tashmë ka dëshmi se metodat e tij mund ta rikthejnë Real Madridin në krye të futbollit spanjoll.
“Nëse fitojmë këtu dhe humbin në ‘El Sardinero’ atëherë kjo nuk vlen asgjë. Madridi nuk luan thjesht për të fituar në ‘Camp Nou’”, u shpreh portugezi.
“Skuadra luan për ta fituar kampionatin”, është deklarata e Mourinhos që duket afër realitetit, pas dy humbjeve në shtator që kishin ngritur dyshime të hershme mbi planet e Mourinhos.