Situata e Edon Zhegrovës te Juventusi po bëhet gjithnjë e më e komplikuar.
Sipas raportimeve të mediumit “TuttoJuve”, Juventusi po shqyrton mundësinë e largimit të Zhegrovës gjatë afatit kalimtar të janarit.
Juventusi raportohet se është i gatshëm ta lejojë largimin e Zhegrovës në rast të një oferte prej 10 deri në 15 milionë euro.
Afati kalimtar i janarit pritet të jetë vendimtar për të ardhmen e Zhegrovës, i cili mund të kërkojë një ambient ku do të kishte më shumë hapësirë për të luajtur.
Ditë më parë, trajneri i “Zonjës së Vjetër”, Luciano Spalletti, u shpreh i pakënaqur me paraqitjet e Zhegrovës deri më tani.
Është raportuar së fundi që skuadra e Beshiktashit ka shprehur interesim për Zhegrovën.
27-vjeçari Zhegrova ende nuk e ka luajtur asnjë ndeshje të këtij edicioni nga minuta e parë.