Огромна снежна бура во вторникот го погоди далечниот источен регион на Русија, предизвикувајќи прекини во сообраќајот во многу градови.
Руската државна телевизија прикажа слики од блокирани патишта и автомобили во градот Хабаровск.
Голем дел од граѓаните изразија незадоволство од надлежните органи, велејќи дека ја занемаруваат работата за чистење на улиците.
Министерството за вонредни состојби соопшти дека некои делови од автопатот се затворени за возила.
Обилниот снег се очекува да продолжи до среда наутро. /АП
