Американскиот државен секретар Мајк Помпео пристигна во Црна Гора каде имаше средби со високи државни претставници.
За време на престојот во Подгорица, секретарот Помпео потврди дека Вашингтон ќе продолжи да ја поддржува Црна Гора на патот кон европската интеграција, пренесува REL.
„Ние гледаме на вас и на вашата влада како лидери во регионалните напори во борбата против корупцијата, владеењето на правото и слободата на медиумите“, рече Помпео на прес-конференцијата по состанокот со црногорските власти.
„САД ќе продолжат да стојат со народот на Црна Гора како партнери и сојузници“, рече секретарот Помпео.
Црногорскиот премиер Душко Марковиќ ја нарече посетата на секретарот Помепо историска и вети дека ќе ја продолжи борбата против организираниот криминал и корупцијата, натамошните реформи во судството и слободата на медиумите.
исто така
Помпео предупредува на опасност од кинеско влијание на Балканот
„Стратешки е важно САД и ЕУ да бидат присутни на Западен Балкан“, рече Марковиќ.
Американскиот државен секретар се сретна и со црногорскиот претседател Мило Ѓукановиќ, но по средбата немаше изјава за медиумите.
Во текот на денот, Помпео ќе престојува и во Северна Македонија.
Црна Гора е најновата членка на НАТО. Оваа земја се приклучи на северноатлантската алијанса во јуни 2017 година, и покрај приговорите на Русија.
Пред почетокот на посетата на Помпео на Црна Гора, висок американски функционер, кој сакаше да остане анонимен, рече дека секретарот Помпео, за време на неговите посети, ќе разговара за „руските напори за поттикнување раздор“ во Црна Гора. Црна и Северна Македонија.
На овие суверени и независни држави, како и на нивните луѓе, им останува да донесат одлуки во насоката во која сакаат да одат, а нивната одлука да влезат во НАТО, мислам, беше важна за нив“, рече овој функционер.
Американскиот функционер го спомна и обидот за државен удар во 2016 година во Црна Гора, кој имаше за цел да ги запре плановите на Подгорица за влез во НАТО.
исто така
Помпео во Северна Македонија, потврда за американското враќање на Западен Балкан
Црногорскиот суд осуди опозициски политичари во врска со овој настан.
Русија, исто така, се обиде да поттикне несогласување околу договорот меѓу Северна Македонија и Грција за спорот за името, што, според овој американски функционер, го отвора патот за влез на Скопје во Европската унија.
