Двајца загинати и десетици повредени откако авион се урна во комерцијална зграда во Калифорнија

Две лица загинаа, а 18 други се повредени откако мал авион се урна во комерцијална зграда во Јужна Калифорнија, соопштија властите.

Десет лица се пренесени во болница со повреди, соопштија од Полициската управа преку објава на социјалната мрежа Х во четвртокот попладне. На осум други им била укажана помош од повреди и се пуштени на местото на настанот, јавува Би-Би-Си.

Официјалните лица не дадоа детали за тоа како се случила несреќата. Не е јасно дали двете лица кои загинаа биле работници во комерцијалната зграда или биле во авионот.
Полицијата најави дека ги евакуира зградите во околината и ја замолува јавноста да се држи подалеку од местото на несреќата.