Претседателот на Србија, Александар Вучиќ, ги нарече ирационални предупредувањата на премиерот Албин Курти дека Косово ќе воспостави реципроцитет кон Србија.
Курти, по средбата во вторник со германската канцеларка Ангела Меркел во Тирана, рече дека Србија не ги почитува договорите и дека ќе се одлучи за реципроцитет доколку не постапи поинаку.
Вучиќ денеска при посетата на воената база во Уше кај Белград, Србија ја прогласи за „неутрална воена и мирољубива земја“.
„Невозможно е да се влијае врз ирационалните постапки. Ништо не можете да промените“, рече Вучиќ на прашањето за предупредувањата на Курти за реципроцитет, пренесува Косев.
