Министерството за здравство преку соопштение ги повика граѓаните да се вакцинираат против Ковид-19. Министерството го упати овој повик откако во последните 24 часа на Косово се регистрирани 49 нови случаи на Ковид-19.
„Националниот институт за јавно здравје на Косово соопшти дека во последните 24 часа на Косово се регистрирани 49 нови случаи на Ковид-19. Во меѓувреме, бројот на активни случаи е 236. Ги потсетуваме граѓаните дека вакцината против КОВИД-19 останува најдобриот и најефикасен начин да се спречи зголемувањето на нови случаи, да се врати имунитетот кој може да ослабне со текот на времето и да се избегнат тешките форми на болест“, се наведува во соопштението.
Министерството за здравство ги повика граѓаните да продолжат да се вакцинираат со следната доза и бустер доза од вакцината против Ковид-19.
„Достапни се двовалентни бустер дози против КОВИД-19 и граѓаните можат да се вакцинираат во најблиската единица за вакцинација во нивната општина“, се вели во соопштението.
