Красниќи вели дека на Косово му требаат повеќе инспектори за борба против неформалноста

Министерот за трговија и индустрија Весел Красниќи при инспекцијата на граничниот пункт во Јариње порача дека земјава во секое време треба да го зголеми бројот на инспектори кои ќе вршат инспекциски надзор на целата територија на Косово.

Красниќи изјави дека Владата на Косово е решена „да ја провери секоја дланка на Република Косово и да се бори против неформалноста и организираниот криминал“.

„Поставив некои точки на мојот дневен ред, тоа се борбата против неформалноста, заштитата на потрошувачите, локалните производители и ред други прашања. Во овој случај се обврзав заедно со различните екипи на инспекторатот да бидам дел од инспекциите одблиску и да видиме дали навистина се води борба против неформалноста и организираниот криминал. Она што досега го видовме е дека има реална потреба од зголемување на бројот на инспектори бидејќи има исклучително мал број и невозможно е во секој момент да се извршат инспекции на целата територија на Косово со толку мал број.“ рече тој.додавајќи дека верува оти бројката во иднина ќе се зголемува.

Пред денови во пограничниот појас со Србија, во Каменица, Карачево беа уапсени 35 лица, со кривично дело „криумчарење стока“ за кое постои сомнеж дека дел од нив го сториле. Тие се осомничени дека нелегално внесувале стока од Србија на Косово, меѓу кои и болен добиток. Меѓу уапсените има и 12 полицајци.