E enjtja ishte e suksesshme për Thierno Barryn, sulmuesin e Evertonit. Skuadra e tij fitoi 3:1 ndaj Newcastlet në Kupën e Ligës dhe avancoi në çerekfinale.
Por gjatë ndeshjes, shtëpia e ish-sulmuesit të Baselit u vu në shënjestër nga hajnat.
Videoja e postuar nga e dashura e tij, Charlene, raportohet të jetë “arsye” e vjedhjes, pasi ajo postoi gjëra me vlerë.
Vetëm një muaj më parë, ajo postoi video në TikTok ku shihej bashkë me të dashurin e saj futbollist.
Por ky nuk është rasti i vetëm i vjedhjeve në Angli. Gjatë kësaj jave, cak i vjedhjes ishte edhe shtëpia e Morgan Gibbs-White të Nottingham Forestit. Më herët gjatë vitit hajnat hynë edhe në shtëpinë e yllit të Manchester Unitedit, Bruno Fernandes.