Ish-sulmuesi i njohur i Liverpoolit, Dirk Kuyt, është emëruar trajner i përkohshëm i Fenerbahçes, deri në zgjedhjen e kryetrajnerit të ri. Feneri e bëri të ditur këtë të mërkurën.
Ismail Kartal dha dorëheqje të martën, pas humbjes në derbi nga Galatasaray dhe disa rezultateve të tjera negative.
Kuyt i luajti mbi 200 ndeshje për Liverpoolin para se të transferohej te Fenerbahçe në vitin 2012. E fitoi ligën turke dy vjet më pas.
Holandezi Kuyt ka drejtuar më parë ekipin belg Beerschot dhe ekipet holandeze ADO Den Haag dhe Dordrecht. Në qershor nisi punën te Fenerbahçe, si asisten i Kartalit.