Lindrit Kamberi të shtunën debutoi me fanellën e Kosovës.
Kamberi kompletoi ndeshjen ndaj Izraelit. U paraqit në qendër të mbrojtjes në mungesë të Albian Hajdarit dhe Lumbardh Dellovës.
Paraqitja e Kamberit në barazimin pa gola ndaj Izraelit u vlerësua pozitive.
“Blick” ka publikuar një video të Kamberit, i cili ka bërë renditjen e pesë lojtarëve më të mirë nga Kosova.
Videoja është incizuar më herët në ambientet e Zurichut, ku Kamberi është kapiten.
Për Kamberin në vendin e parë është Fadil Vokrri, sulmuesi legjendar i futbollit kosovar dhe ish-kryetari i FFK-së. Pas Vokrrit, në pozitën e dytë, Kamberi e ka renditur Vedat Muriqin. Pozitën e tretë, sipas Kamberit e meriton ish-kapiteni, Amir Rrahmani. Edon Zhegrova është i katërti ndërsa në pozitën e pestë e ka vendosur bashkëlojtarin e tij te Zurichut, Bledian Krasniqi. Krasniqi ka luajtur një ndeshje për Kosovën.