Profesori amerikan Daniel Serwer ka thënë se Ballkani nuk është në fokusin e politikës së jashtme të Shteteve të Bashkuara të Amerikës dhe se kjo situatë ka vazhduar prej vitesh.
In einem Gespräch im Podcast "PIKË" mit dem Publizisten Veton Surroi, Serwer ka vlerësuar se nuk ka gjasa që rajoni të rikthehet në vëmendjen e Washingtonit në një të ardhme të afërt.
“Ballkani në një farë mënyre nuk është në radarin e Washingtonit. Nuk ka qenë prej vitesh”, ka thënë Serwer.
Ai ka përmendur si përjashtim rastin e liderit të serbëve të Bosnjës, Milorad Dodik, për të cilin ka thënë se ka arritur të sigurojë qasje në Shtëpinë e Bardhë dhe ta përdorë atë për heqjen e sanksioneve ndaj vetes dhe shumë personave të tjerë.
Sipas Serwerit, ky rast tregon se qasja në administratën amerikane mund të sigurohet përmes interesave financiare.
“Mësimi këtu është mjaft i qartë. Washingtoni është në shitje. Kjo është shumë e pakëndshme për mua ta them”, ka deklaruar ai.
I pyetur nga Surroi nëse presidenti amerikan, Donald Trump, ishte ndier në siklet për këtë rast për shkak të dyshimeve për korrupsion, Serwer është përgjigjur se nuk e kupton pse ai do të ndihej i parehatshëm me pasurimin e të tjerëve, kur vetë është i prirë të pasurohet.
“Nuk e di pse ndihej kaq në siklet me këtë, kur ndihet kaq rehat me pasurimin e vet. Por do të thosha se është pak më pak tolerant ndaj pasurimit të të tjerëve sesa ndaj të vetit”, ka thënë Serwer.