Inteligjenca artificiale vazhdon të sfidohet, duke tejkaluar njeriun dhe vetveten, falë programit “Alpha Go Zero” që është në gjendje të mësojë vetë duke filluar nga zero dhe pa një shtysë fillestare nga njeriu, por falë eksperiencës, thuhet në revistën shkencore “Nature”, për këtë program të ideuar në Britani të Madhe nga kompania “DeepMind” e gjigantit amerikan të internetit “Google”.
Duke u vetëprogramuar, transmeton ATSH raportimin e ANSA-s, “Alpha Go Zero” ka arritur të mundë paraardhësin e tij “Alpha Go”, që edhe ai vetë kishte fituar nderime duke mundur në një turne kampionin në lojën Go, Lee Sedol.
Mbështete KOHËN. Ruaje të vërtetën.
Gazetaria profesionale është interes publik. Mbështetja juaj ndihmon që ajo të mbetet e pavarur dhe e besueshme. Kontribuoni edhe ju. 1 euro e bën dallimin.
Letër lexuesit — pse po kërkojmë mbështetjen tuaj KontribuoKy rezultat për “Alpha Go” erdhi falë një stërvitjeje intensive ku vëzhgonte dhe memorizonte miliona lëvizje të lojtarëve njerëz dhe më pasi aplikoi në praktikë atë që kishte mësuar duke korrigjuar automatikisht gabimet e tij.
Por, “AlphaGo Zero” është në gjendje të mësojë krejtësisht vetë nga eksperienca që fiton duke luajtur, duke analizuar lëvizjet e mundshme dhe duke memorizuar strategjitë fituese për çdo situatë.
Gjatë këtij ushtrimi intensiv, programi luajti gati 50 milionë lojë kundër vetvetes dhe më pas falë kësaj eksperience arriti të mundë njeriun.