Pas dy vitesh të kaluara te skuadra e Drenicës, Granit Arifaj, është larguar në drejtim të skuadrës së Lirisë së Prizrenit, me të cilën ka nënshkruar kontratë një vjeçare.
Lajmin për kalimin te skuadra prizrenase e ka bërë publik vetë sulmuesi gjigant, i cili nëpërmjet Facebookut i ka falënderuar kryesinë, tifozët dhe të gjithë ata që i kanë qëndruar pranë për këto dy vite të kaluara te klubi “Kuqezi”, raporton KTV.
Arifaj është shprehur jashtëzakonisht i lumtur për këtë sfidë të re, derisa ka premtuar se do të jap gjithmonë më të mirën.
Edicionin e kaluar, Arifaj ishte njëri ndër sulmuesit më të dalluar në ligë, me 14-të gola të realizuar në total.