Të paktën dy mijë persona pritet të vrapojnë në gjysmëmaratonën e Prishtinës, që do të mbahet më 14 maj, kanë paralajmëruar organizatorët e kësaj gare ndërkombëtare, duke u bazuar në sinjalet që i kanë marrë deri më tash, shkruan sot Koha Ditore.
Në mesin e gjithë këtyre pjesëmarrësve, do të jetë edhe ultramaratonisti i njohur, amerikani Michael Wardian. Ai do të jetë në Kosovë me ftesën e Ambasadës së SHBA-së, pasi është edhe ambasador i sportit. Kjo është konfirmuar nga Ambasada e SHBA-së në Prishtinë, të mërkurën për gazetën. Ai pritet të mbërrijë në Prishtinë 3-4 ditë para gjysmëmaratonës dhe gjatë kësaj periudhe do të ketë edhe disa aktivitete në vend.
Mbështete KOHËN. Ruaje të vërtetën.
Gazetaria profesionale është interes publik. Mbështetja juaj ndihmon që ajo të mbetet e pavarur dhe e besueshme. Kontribuoni edhe ju. 1 euro e bën dallimin.
Letër lexuesit — pse po kërkojmë mbështetjen tuaj KontribuoAi është ultramaratonist i njohur në botë dhe këtë vit ka thyer rekordin duke përfunduar shtatë maratona, për shtatë ditë, në shtatë kontinente: Antarktikë (Novolazarevskaya), Afrikë (Cape Town), Australi (Perth), Azi (Dubai), Evropë (Madrid), Amerikë e Jugut (Barranquilla) dhe Amerikë e Veriut (Miami).
Dhe, vrapimi i 21 kilometrave në Prishtinë, nuk pritet të jetë gjë e vështirë për amerikanin 42 vjeç.
Kjo do të jetë gjysmëmaratona e 17-të rresht e Prishtinës, kurse gara kryesore do të mbahet në shtegun prej 21 kilometrave: Prishtinë - Fushë-Kosovë - Obiliq - Prishtinë. (Më gjerësisht mund të lexoni sot në Koha Ditore).
Gazetën Koha Ditore mund ta lexoni edhe online. Këtu mund të gjeni sqarimin se si mund të abonoheni.