Kryetari i Komunës së Prishtinës, Shpend Ahmeti, bashkë me drejtorin e Shëndetësisë dhe Mirëqenies Sociale, Arben Vitia, drejtorin e Investimeve Kapitale dhe Menaxhimit të Kontratave, Hysen Durmishi dhe ish-drejtorin e Inspeksionit dhe kandidati për deputet Xhelal Sveçla, morën pjesë sot në fillimin e punimeve për adaptimin dhe renovimin e ish-Qendrës së Mjekësisë Familjare Nr.1 te Xhamia e Llapit.
Me përfundimin e renovimit, kjo hapësirë do të fillojë t’u shërbejë të moshuarve të zonës si qendër kulturore e sociale.
Mbështete KOHËN. Ruaje të vërtetën.
Gazetaria profesionale është interes publik. Mbështetja juaj ndihmon që ajo të mbetet e pavarur dhe e besueshme. Kontribuoni edhe ju. 1 euro e bën dallimin.
Letër lexuesit — pse po kërkojmë mbështetjen tuaj Kontribuo“Kjo qendër është e para e llojit të vet në Komunën e Prishtinës, dhe aty të moshuarit do të mund të kalojnë kohë kualitative në sallën e lojës së shahut, domino e letra, si dhe në dhomë të leximit, TV, punëtorisë për punë dore etj”, thuhet në komunikatën e Komunës së Prishtinës.
Ahmeti tha se janë dakorduar me Shoqatën e Pensionistëve që kjo hapësirë të shërbejë edhe si zyre administrative, ku pensionistët mund të i adresojnë shqetësimet e tyre.
“Ne kemi rinovuar pjesën më te madhe të Qendrave të Mjekësisë Familjare, dhe tani jemi duke rinovuar edhe tri të tjera, dhe me këto katër objekte kompletojmë infrastrukturën e shëndetësisë, e pastaj na mbetet të ndërtojmë QMF-në në Veternik, me ç’rast përmbyllet rrjeti i shtrirjes dhe përmirësimi i cilësisë në infrastrukturë e shërbime shëndetësore në Komunën e Prishtinës”, u shpreh Ahmeti.
Punimet në këtë qendër pritet të përfundojnë deri në fund të muajit gusht.