Numri i vdekjeve në komunikacion është rritur për 18%

Numri i vdekjeve në komunikacion është rritur për 18%

14 gusht 2017 21:00

Janë shtuar aksidentet me fatalitet në rrugët e Kosovës. Policia ka bërë të ditur se numri i aksidenteve është në rritje, ndërsa shkaktar janë faktori njeri dhe rrugët jo të mira.

Policia apelon që të shtohet kujdesi në ngasje për të mos ndodhur më e keqja në trafik.

Numri i vdekjeve në trafikun rrugor është rritur në 18%. Sipas të dhënave të Policisë së Kosovës, bazuar në periudhën janar-korrik, nga aksidentet në trafik kanë humbur jetën mbi 70 persona dhe mbi 7 206 janë lënduar.

Nëse këto të dhëna krahasohen me vitin e shkuar, i bie që këtë vit; si pasojë e aksidenteve kanë vdekur 20 persona më shumë, krahasuar me periudhën e njëjtë të vitit të kaluar.

Feriz Lahu, kapiten në Policinë e Kosovës, për RTK-në, tha se përveç faktorit njeri, sipas policisë, shkak i aksidenteve është edhe infrastruktura jo e mirë e rrugëve.

Policia apelon për respektim të rregullave në trafik, ndërkohë paralajmëron se gjobat nuk do të ndalen për të gjithë shkelësit e ligjit. Numri i gjobave është rritur me mbi 12% për shkak të mosrespektimit të rregullave.

Sipas policisë, në 7 muajt e fundit në total kanë ndodhur 9 mijë 981 aksidente rrugore, ndërsa janë shqiptuar më shumë se 24 mijë gjoba.

Komentet

Shto koment

Të ngjashme