Ndërmarrja e pastrimit “Echohigjiena” është ankuar në OSHP lidhur me tenderin për pastrimin e hapësirave publike nga Komuna e Gjilanit.

Zyrtarë të kësaj ndërmarrjeje e akuzojnë komunën se për këtë shkak, 23 punëtorë mund të mbesin pa punë, raporton KTV.

Shpalljen e tenderit e sheh si absurde drejtori ekzekutiv Senad Ramaj, pasi shkak për këtë merr marrëveshjen që tashmë e kanë me komunën.

Për drejtorin e shërbimeve publike në Gjilan, Naser Korça, deklaratat e Ramajt se punëtorët do të mbesin pa punë janë kërcënim, pasi sipas tij, kjo nuk do të ndodhë.

Korça thotë se këto janë procedurat e prokurimit dhe nuk mund t’i anashkalojnë.

Korça ka thënë se brenda javës pritet të mblidhet paneli shqyrtues i prokurimit, ku edhe do të vendoset lidhur me këtë tender.