Katër shtete arabe që i kanë vënë bojkot Katarit i kanë vënë ultimatum Dohës zyrtare për mbylljen e televizionit “Al-Jazeera”, të prishë raportet me Iranin, të mbyllë një bazë turke dhe t’i paguajë reparacionet, që duken si kërkesa të parealizueshme duke pasur parasysh qëndrimin e deritanishëm të Katarit.
Arabia Saudite, Egjipti, Bahrejni dhe Emiratet e Bashkuara i kanë dërguar shtetit të vogël arab një listë prej trembëdhjetë kërkesash me qëllim të shpartallimit të politikave të Katarit, që me politikat e veta në dy dekadat e fundit ka vepruar kundër frymës së shumicës së shteteve arabe në rajon, shkruan Reuters përcjell Koha Ditore.
Mbështete KOHËN. Ruaje të vërtetën.
Gazetaria profesionale është interes publik. Mbështetja juaj ndihmon që ajo të mbetet e pavarur dhe e besueshme. Kontribuoni edhe ju. 1 euro e bën dallimin.
Letër lexuesit — pse po kërkojmë mbështetjen tuaj KontribuoKatari nuk e ka komentuar menjëherë kërkesën me trembëdhjetë pika, por ministri i Jashtëm, sheiku Mohammed bin Abdulrahman al-Thani, ka deklaruar të hënën se Katari nuk do të negociojë me këto katër shtetet, derisa të mos rivihen marrëdhëniet ekonomike, diplomatike dhe të udhëtimeve të shkëputura muajin e kaluar.
Vendet që kanë vënë sanksione e akuzojnë Katarin se po financon terrorizmin dhe se po nxit trazira politike në rajon, si dhe për afrim me Iranin armik. Katari i ka hedhur poshtë akuzat, duke e mbrojtur qëndrimin e vet se nuk do të përkrahë asnjëherë fuqitë rajonale që mbështesin sundimtarët autokratë dhe ushtarakë. (Në gjerësisht lexoni sot në Koha Ditore)