Qeveria ka në plan që javën e ardhshme t’i nisë diskutimet për themelimin e Asociacionit të komunave me shumicë serbe.
Zhvillimi ndodh vetëm pak ditë pasi përfaqësuesit e serbëve të Kosovës u janë kthyer institucioneve, pas një bojkoti prej gati gjashtë muajsh, shkruan sot Koha Ditore.
Informatën për nisjen e këtyre diskutimeve e ka konfirmuar për gazetën zëvendësministri i Administrimit të Pushtetit Lokal, Bajram Gecaj.
“Pas kthimit të serbëve kosovarë në institucione, nga java e ardhme e diskutojmë edhe këtë çështje”, ka theksuar ai.
Në fund të muajit të shkuar, kryeministri Mustafa pati treguar se ka iniciuar procesin e hartimit të Statutit të Asociacionit të komunave me shumicë serbe. Por përfaqësuesit e serbëve nuk i ishin përgjigjur ftesës për t’u përfshirë në proces. (Detajet mund t’i gjeni në numrin e sotëm të Kohës Ditore)
-
Ambasada e SHBA-së e konfirmon organizimin e diskutimit për Asociacionin
-
Asociacioni/Bashkësia rikthen Listën Serbe në Qeveri
-
Qeveria synon statutin e Asociacionit brenda 4 muajve
-
Kosova ia rihap derën Asociacionit, Lista Serbe nuk e do me Kushtetutë
-
Grup punues institucional për draftimin e statutit të Asociacionit