Ministri i Punës dhe Mirëqenies Sociale, Skender Reçica priti sot në një takim përfaqësues të Misionit të Fondit Monetar Ndërkombëtarë (FMN), të kryesuar nga Stephanie Eble, shefe e misionit për Kosovë dhe Ruud Vermeulen, përfaqësues rezident për Kosovën.
Sipas njoftimit të Ministrisë, Reçica dhe përfaqësues të FMN-së diskutuan rreth reformave të nevojshme për veteranët e luftës, si dhe për plotësim ndryshimet që duhet të bëhen në Ligjin për Pension të vitit 2014.
Mbështete KOHËN. Ruaje të vërtetën.
Gazetaria profesionale është interes publik. Mbështetja juaj ndihmon që ajo të mbetet e pavarur dhe e besueshme. Kontribuoni edhe ju. 1 euro e bën dallimin.
Letër lexuesit — pse po kërkojmë mbështetjen tuaj Kontribuo“Temë tjetër diskutimi ishte edhe vendimi i Qeverisë, i iniciuar nga ministri Reçica, për kompensimin për viktimat seksuale të luftës së fundit në Kosovë. Pikë tjetër e rëndësishme diskutimi në mes të ministrit Reçica dhe përfaqësuesve të FMN-së ishte edhe situata e tregut të punës në Kosovë dhe reformat e nevojshme për avancimin tij”, thuhet në njoftim.
Sipas njoftimit, ministri theksoi gatishmërinë dhe përkushtimin e tij dhe të Ministrisë që drejton, për tu angazhuar fort në çështjet e rëndësishme që u diskutuan në takim, sidomos për reformat e nevojshme sa i përket veteranëve të luftës së fundit në Kosovë, reformave të domosdoshme në përmirësimin e situatës sa i përket tregut të punës në vend dhe ndryshimeve për ligjin për pension.
Ministri Reçica dhe përfaqësuesit e FMN-së u dakorduan për bashkëpunim të ngushtë në çështjet e lartë përmendura, si dhe në prioritete tjera në fushat që mbulon MPMS.