Shefi i Grupit Parlamentar të Vetëvendosjes, Glauk Konjufca ka thënë se Partia Demokratike e Kosovës po i fton deputetët që të kundërshtojnë EULEX-in dhe Gjykatën Speciale, kundërshtimin të cilin e kishte bërë vjet më parë VV-ja, por sipas Konjufcës, këta deputetë tërhiqeshin zvarrë.
“Deputetët e PDK-së folën për EULEX-in, dhe kur Vetëvendosje kundërshtonte EULEXIN dhe ftonte të kundërshtonte një mision, tash po ata [PDK-ja] po na ftojnë me ju bashku betejës së tre kundër EULEX-it dhe Gjykatës Speciale. A është kjo partia që tentonte të na nxirrte jashtë sepse kundërshtonim këtë gjykatë? Ndërsa tash na ftojnë që ta kundërshtojmë. Tash kur po e shohin stuhinë e kësaj Gjykata, janë në gjendje që ta kallin Kosovën, por ne nuk marrim pjesë në këtë kundërshtim”, ka thënë Konjufca.
Mbështete KOHËN. Ruaje të vërtetën.
Gazetaria profesionale është interes publik. Mbështetja juaj ndihmon që ajo të mbetet e pavarur dhe e besueshme. Kontribuoni edhe ju. 1 euro e bën dallimin.
Letër lexuesit — pse po kërkojmë mbështetjen tuaj KontribuoKonjufca gjatë fjalimit të tij ka folur edhe për dënimin e aktivistëve të Vetëvendosjes për sulm ndaj objektit të Kuvendit.
“Gjyqtari Beqir Kalludra ka nisur epokën e dënimit pa prova. Kur ka qenë puna e kriminelëve, siç është rasti me Emin Beqirin, provat zhduken, dhoma e provave vidhet. Por kur është puna për Vetëvendosjen, provat shpiken dhe montohen”, ka thënë veç të tjerash Konjufca.