Qeveria e Kosovës i ka përgënjeshtruar deklaratat e ministrit të Jashtëm të Serbisë, Ivica Daçiq, sipas të cilit, Republika e Surinamit e ka tërhequr njohjen e shtetit të Kosovës.
Halil Matoshi këshilltari për media nga kabineti i kryeministrit të Kosovës, Ramush Haradinaj, tha për REL, se raportet mes shtetit të Surinimat janë të mirë dhe nuk ka tërheqje të njohëses ashtu siç pretendohet.
Mbështete KOHËN. Ruaje të vërtetën.
Gazetaria profesionale është interes publik. Mbështetja juaj ndihmon që ajo të mbetet e pavarur dhe e besueshme. Kontribuoni edhe ju. 1 euro e bën dallimin.
Letër lexuesit — pse po kërkojmë mbështetjen tuaj Kontribuo"Në të Drejtën Ndërkombëtare nuk ekziston ç’njohja apo tërheqja e njohjes. Mund të ekzistojë ngrirja e marrëdhënieve përkatësisht tërheqja e stafit diplomatik për çka Surinami nuk ka pasur marrëdhënie diplomatike, por kjo është spekulim mediatik. Kosova dhe Surinami nuk kanë ngrirje të raporteve dhe Kosova ka raporte të shkëlqyera me të gjitha vendet që e kanë njohur pavarësinë e saj", tha Matoshi.
Ishte ministri i jashtëm i Serbisë, Ivica Daçiq ai i cili kishte deklaruar për mediat në Beograd se Qeveria e Surinamit e kishte informuar Serbinë se e ka tërhequr njohjen e pavarësisë së Kosovës. Daçiq tha në një konferencë për gazetarë se për këtë është informuar mbrëmë nga ministrja e Jashtme e Surinamit, ndërsa gjatë natës ka arritur edhe njoftimi zyrtar.
Surinami e ka njohur pavarësinë e Kosovës më 8 qershor, 2016. Ky vend ndodhet në Amerikën Jugore, me sipërfaqe prej 163.820 kilometrash katror dhe ka mbi 550 mijë banorë. Që nga shpallja e pavarësisë më 17 shkurt të vitit 2008, Kosovën e kanë njohur 114 shtete.