Gatishmëri e Britanisë për të shtuar bashkëpunim me Kosovën

Gatishmëri e Britanisë për të shtuar bashkëpunim me Kosovën

13 shtator 2017 22:00

Kryeministri i Republikës së Kosovës, Ramush Haradinaj, zhvilloi një takim me Nën-Sekretarin Permanent dhe Udhëheqësin e Shërbimit Diplomatik në Ministrinë e Punëve të Jashtme të Mbretërisë së Bashkuar, Simon McDonald, i cili po qëndron në Kosovë në kuadër të një vizitë rajonale.

Ata, njofton kumtesa qeveritare, diskutuan rreth zhvillimeve të fundit politike dhe institucionale në vend, me theks të veçantë krijimin e institucioneve të reja, sfidat dhe angazhimin e Qeverisë së Republikës së Kosovës në rrugën drejtë zhvillimit ekonomik, sundimit të ligjit, dhe integrimit ndërkombëtar të Kosovës, transmeton Koha.net.

Haradinaj e falënderoi Nën-Sekretarin McDonald për rolin dhe kontributin e Britanisë së Madhe në të gjitha etapat e zhvillimeve për Kosovën.

Nën-Sekretari McDonald ritheksoi vullnetin dhe gatishmërinë e Britanisë së Madhe, për të vazhduar dhe thelluar bashkëpunimin e ngushtë bilateral ndërmjet dy shteteve.

© KOHA. Të gjitha të drejtat janë të rezervuara.

Komentet

Shto koment

Të ngjashme