Ministria e Arsimit, pothuajse çdo vit, harxhon 7 milionë euro për ribotimin e teksteve shkollore për nivelin fillestar të arsimit.
E Zyra e Auditorit të Përgjithshëm, në Raportin e Auditimit rreth Procesit të Rishikimit të Teksteve Shkollore, ribotimin e përvitshëm e konsideron si dëmtim të buxhetit, pasi siç thuhet në raport, janë krijuar stoqe të mëdha të teksteve të vjetra shkollore.
Mbështete KOHËN. Ruaje të vërtetën.
Gazetaria profesionale është interes publik. Mbështetja juaj ndihmon që ajo të mbetet e pavarur dhe e besueshme. Kontribuoni edhe ju. 1 euro e bën dallimin.
Letër lexuesit — pse po kërkojmë mbështetjen tuaj KontribuoPor, sipas zyrtarëve të MASHT-it, ribotimi është bërë në mënyrë që asnjë nxënës të mos mbetet pa libra.
E në vitin 2016, me vendim të ministrit të Arsimit, janë rishikuar rreth 90 tituj mësimorë, kryesisht në përmbajtje, por edhe në çështje teknike.
E zyra e auditorit shpreh mendim se edhe pse tekstet janë rishikuar, ato pas hyrjes në fuqi të kurrikulës së re, do të dalin nga përdorimi.
Por Lah Nitaj, këshilltar në Ministrinë e Arsimit, thotë se nuk është harxhuar asgjë më shumë për rishikimin e teksteve shkollore dhe ky proces është bërë në mënyrë që nxënësit të mos vazhdojnë të mësojnë nga tekste me gabime.
E njohësi i arsimit Halim Hyseni thotë se MASHT-i nuk është dashur të humbë kohë me rishikimin e teksteve, por deri tash, sipas tij, është dashur të ndërmarrë hapa për krijimin e teksteve të reja.
Sipas tij, nxënësit e Kosovës kanë humbur shumë me gjithë këto tentativa për të bërë ndryshime, që në fakt nuk është bërë asgjë.