Opinionisja, Besa Shahini në Rubikon të KTV-së ka deklaruar se nënshkrimi i MSA-së nuk është dashur të bëhet fare.
“Jo në këtë mënyrë”, theksoi ajo.
Ajo ka thënë se nënshkrimi i kësaj marrëveshje i ka shkaktuar dëme të mëdha ekonomike vendit.
“Nuk mendoj që është dashur të nënshkruhet fare. Dëmi ekonomik është i madh për Kosovën... ti ke hy në këtë dialog vetëm se BE-ja ka thënë se nëse dialogoni ecni drejt BE-së. Kosova nuk e ka mundësinë me ec drejt BE-së”, ka thënë Shahini.
Hap konkret, sipas saj, mbetet rishikimi i marrëveshjes me BE-në menjëherë pas krijimit të Qeverisë.