Isa Mustafa, kryetar i LDK-së, ka kujtuar ish-ministren dhe aktivisten e njohur të kësaj partie, Nekibe Kelmendi, në gjashtëvjetorin e vdekjes së saj.
Mustafa në Facebook ka thënë se Nekibe Kelmendi është nënë heroinë dhe Kosova krenohet deri në përjetësi me të.
Mbështete KOHËN. Ruaje të vërtetën.
Gazetaria profesionale është interes publik. Mbështetja juaj ndihmon që ajo të mbetet e pavarur dhe e besueshme. Kontribuoni edhe ju. 1 euro e bën dallimin.
Letër lexuesit — pse po kërkojmë mbështetjen tuaj KontribuoKy është postimi i tij:
Të nderuar miq,
Është vështirë të përkujtojmë njerëzit që i dhanë shumë këtij vendi, sepse ata meritonin të jenë me ne. Të përkujtojmë Nekibe Kelmendin. Nënën heroinë, nënkryetaren e LDK-së, ministren dhe veprimtaren e shquar të shtetndërtimit të Kosovës.
Nekibe Kelmendi e mundi dhimbjen e saj për të bijtë dhe bashkëshortin që ia ekzekutuan hordhitë serbe. Mbi dhimbjen e saj kultivoi idealin e shtetit, dëshirën që bijtë dhe bijat e këtij vendi të jetojnë në paqe dhe të lumtur.
Kosova krenohet deri në përjetësi me Nekibe Kelmendin. IM
Në përvjetorin e vdekjes, Nekibe Kelmendin e ka kujtuar edhe Avdullah Hoti, kandidati i LDK-së për kryeministër.
“Sot është përvjetori i ndarjes nga jeta të znj. Nekibe Kelmendi. E kujtoj me respekt të thellë këtë zonjë dhe veprimtare të madhe të LDK-së. I përjetshëm kujtimi për të dhe për burrin dhe dy djemtë e saj”, ka shkruar Hoti.