Institucioneve të Kosovës nuk po u mjafton një armatë e tërë e veturave që i kanë në dispozicion, raporton KTV.
Përpos tenderëve që i kanë hapur më herët për blerje të tyre, tash kanë hapur tender për marrje të veturave me qira. Për një tender të tillë, Ministria e Administratës Publike ka ndarë 10.000 euro.
Mbështete KOHËN. Ruaje të vërtetën.
Gazetaria profesionale është interes publik. Mbështetja juaj ndihmon që ajo të mbetet e pavarur dhe e besueshme. Kontribuoni edhe ju. 1 euro e bën dallimin.
Letër lexuesit — pse po kërkojmë mbështetjen tuaj KontribuoNë dosjen e tenderit, kjo ministri ka ndarë mjetet e lartpërmendura për kontraktimin me qira të 5 veturave operative.
10 mijë eurot e parapara në tender do të shkojnë për shfrytëzimin e këtyre veturave vetëm për 8 muaj, aq sa zgjat kontrata me kompaninë fituese. Zyrtarë të kësaj ministrie, pas interesimit të KTV-së, kanë thënë ta kenë anuluar një tender të tillë dhe në konsultim me Agjencinë Qendrore të Prokurimit, gjatë kësaj jave, pritet të bëhet inicimi i kësaj çështjeje në nivel qendror.
Mirëpo, dosja e tenderit vazhdon të jetë publike në faqen e Komisionit Rregullativ të Prokurimit Publik.
Kjo ministri nuk ka pranuar të tregojë se cili institucion ka kërkuar vetura me qira dhe për çfarë arsye.
Isuf Zejnaj, nga Demokracia Plus, thotë se edhe kjo qeveri po vazhdon avazin e vjetër sikur të qeverive të kaluara, duke keqpërdorur buxhetin në fund të mandatit.
Ndërsa, Jeton Zulfaj nga Lëvizja Fol kërkon nga qeveria e re të marrë mësim nga modeli kroat i shfrytëzimit të veturave zyrtare.
Përpos shfrytëzimit 24 orësh, shumë shpesh është raportuar se me vetura zyrtare, punonjësit e ministrive të ndryshme kanë kaluar pushimet në Shqipëri.