Partia e Drejtësisë, përmes një reagimi dërguar mediave, e ka dënuar fuqishëm “sulmin terrorist” në Arenën e Manchesterit në Britaninë e Madhe, duke e vlerësuar si përpjekje të përsëritur të grupeve dhe individëve të sëmurë që nëpërmjet goditjes së vlerave qytetëruese t’ua imponojnë mendësinë e mesjetës qytetarëve të pafajshëm të botës.
“Çdo akt terrorist, kudo që ndodhë në botë e veçanërisht në shtetet mike siç është Britania e Madhe, simbolin e tolerancës dhe integrimit të komuniteteve të gjitha llojeve, ngjallë ndjenjat e pikëllimit e dhembjes dhe njëkohësisht e rritë solidaritetin te çdo qytetar i Kosovës dhe institucionet e vendit”.
Mbështete KOHËN. Ruaje të vërtetën.
Gazetaria profesionale është interes publik. Mbështetja juaj ndihmon që ajo të mbetet e pavarur dhe e besueshme. Kontribuoni edhe ju. 1 euro e bën dallimin.
Letër lexuesit — pse po kërkojmë mbështetjen tuaj Kontribuo“Do të qëndrojmë të bashkuar në çdo situatë dhe moment të kohës para akteve të tilla barbare duke promovuar njëkohësisht vlerat më të larta humaniste dhe respektin e ndërsjellë”.
“Asnjëherë në historinë e njerëzimit agresiviteti i vrazhdë e primitiv nuk ka arritur që pafundësisht ta mundë dashurinë dhe kulturën e qytetëruar njerëzore dhe nuk do ta arrijë këtë as në kohërat tona”, thuhet në reagimin e PD-së.
Partia e Drejtësisë shpreh ngushëllime për familjet e viktimave të pafajshme dhe uron shërim të shpejtë e të plotë të plagosurve.