Edhe presidenti i Republikës së Kosovës, Hashim Thaçi ka reaguar për situatën e tensionuar në Maqedoni.
Situata në Maqedoni ishte përshkallëzuar pasi Talat Xhaferi u shpall kryetar i Kuvendit maqedonas, dhe me këtë rast protestuesit kanë hyrë brenda parlamentit duke lënduar disa deputetë, transmeton Koha.net.
Mbështete KOHËN. Ruaje të vërtetën.
Gazetaria profesionale është interes publik. Mbështetja juaj ndihmon që ajo të mbetet e pavarur dhe e besueshme. Kontribuoni edhe ju. 1 euro e bën dallimin.
Letër lexuesit — pse po kërkojmë mbështetjen tuaj KontribuoAi ka uruar Talat Xhaferin për postin e kryetarit të Kuvendit.
“Po i përcjell me shqetësim ngjarjet në Republikën e Maqedonisë. E përshëndes zgjedhjen e kryetarit të ri të parlamentit maqedonas, z. Talat Xhaferi, dhe apeloj tek të gjithë që të përmbahen nga veprimet e dhunshme dhe shpresoj që qytetarët atje të mos bien pre e provokimeve”, ka shkruar Thaçi në Facebook.
Presidenti i Kosovës më tutje ka thënë se Marrëveshja e Ohrit është korniza e duhur, e cila siguron funksionimin demokratik të Maqedonisë.
“Stabiliteti dhe funksionimi i institucioneve demokratike të Republikës së Maqedonisë është interes i qytetarëve të saj, por edhe i gjithë rajonit. Natyrisht se për shqiptarët e Maqedonisë zbatimi i Marrëveshjes së Ohrit është korniza e duhur e cila siguron funksionimin demokratik të shtetit fqinj, të cilin dëshiroj ta shoh sa më shpejt të anëtarësuar në NATO dhe BE”, ka thënë ai.