Kulla e Haradinajve në Gllogjan ka hapur derën për ngushëllime për kryeplakun

17 June 2018 19:28

Kulla e Haradinajve në Gllogjan ka pritur për ngushëllime qytetarë dhe personalitete të shumta për vdekjen e Hilmi Haradinajt.

Për të shprehur ngushëllime ishte edhe presidenti i Shqipërisë, Ilir Meta.

Ai e ka vlerësuar lart figurën e Hilmi Haradinajt, duke e quajtur njeri të jashtëzakonshëm që dha shumë për lirinë e Kosovës, raporton KTV.

Edhe familjarë e bashkëfshatarë veçojnë si të pashembullt jetën dhe veprën e babait të kryeministrit.

Nën organizimin e Komunës së Deçanit dhe shoqatave të dala nga lufta të hënën organizohen homazhe dhe mbledhje komemorative në Gllogjan.

Hilmi Haradinaj vdiq të shtunën në mbrëmje, në moshën 74-vjeçare.

Ai do të varroset të hënën në orën 14:00 në Kompleksin Memorial” Dëshmorët e Kombit” në Gllogjan.

© KOHA. Të gjitha të drejtat janë të rezervuara.

Të ngjashme