Video

Shtrenjtohet rryma, paralajmërohet kundërshtim në institucione e gjykata

1
 

Zyra e Rregullatorit të Energjisë ka vendosur të ndryshojë tarifat për konsumatorët që shpenzojnë mbi 800 kilovatë orë rrymë brenda muajit. Ndryshimet hyjnë në fuqi nga 9 shkurti. Në arsyetimin e saj, ZRRE-ja thotë se rritja e çmimit të energjisë në bursa ndërkombëtare dhe rritja e kërkesës për konsum ka imponuar ndryshimin e tarifave

Zyra e Rregullatorit të Energjisë (ZRRE) ka shtrenjtuar të martën tarifat e energjisë, duke i bërë dyfish më të larta për pjesën e konsumit mujor mbi 800 kilovatë orë (kWh). Ato janë mbështetur nga Qeveria, por reagimi ka qenë i menjëhershëm i opozitës – ajo ka kërkuar nga Kuvendi që të debatohet mbi këtë vendim, e ka paralajmëruar edhe veprime gjyqësore.

“Tarifat për konsumatorët familjarë, për nivelin e konsumit deri në 800 kWh në muaj, do të mbesin të njëjta, ndërsa diferenca e konsumit mbi 800 kWh për muaj, do të faturohet me tarifën e ulët (gjatë natës) prej 5.9 dhe tarifën e lartë (gjatë ditës) prej 12.52 centë”, ka kumtuar ZRRE-ja. “Tarifat e reja do të hyjnë në fuqi me datë 9 shkurt 2022 dhe do të aplikohen deri më 31 mars 2023”.