Prej korrikut të vitit të kaluar, Shkumbin Lushaj nga fshati Shaptej i Deçanit, nuk pi më ujë nga ujësjellësi për shkak të rastit të helmimeve.
Lushaj që ishte ndër 1500 qytetarët e helmuar, tregon se askush nga banorët e fshatit nuk e pi më atë ujë.
“Prej kohës kur jena helmu me ujë ka qenë korriku deri më sot nuk e konsumomë ata ujin pasi është edhe lajmërimi për mos me konsumu ata ujë. Dhe kryesisht ujin për pije e marrim nga vende tjera kryesosht zona tjera kryesisht malore ku është uji më i pastër ndërsa ata ujë që vije përmes gypave të ujësjellsit nuk konsumohet vetëm për sende tjera që nuk janë për pije”, tha Lushaj.
Për këtë rast po dyshohen dy zyrtarë të kompanisë rajonale “Hidrodrini”.
Prokuroria Themelore e Pejës ka ngritur aktakuzë kundër këtyre dy zyrtarëve që dyshohen për veprat penale “mosevitim i rrezikut”.
Prokurori i rastit, Dorjan Juniku, ka deklaruar se aktakuza është ngritur kundër drejtorit të Departamentit teknik, dhe kundër kimistes së kësaj kompanie.
“Pas nje hetimi intensim disa mujor ne rastin e njohir si helmimet Sot me 7 shkurt , Kam ngritur ne gjykant thnore aktakuzen kunder dy zyrtateve si persona pergjegjes te kompanise rajonale hidrodrini ne peje dhe ate kunder drejtorit te depertamentit teknik Per vepren penale shkaktim i rrezikut te pergjithshem dhe kunder kimistes te kesaj kompanie per vepren penale per mosevitim i rrezikut”, tha Durjaku.
Sipas Durjakut, viruset në ujë ishin shkaktuar nga mungesa e klorit dhe testimeve shumë të pakta dhe aspak të rregullta.
Ndaj këtij rasti ka reaguar kompania rajonale e ujësjellësit “Hidrodrini”.
Thotë se që nga momenti i parë i shfaqjes së kësaj problematike, më 11 korrik të vitit të kaluar, krahas veprimeve urgjente mbi ndërmarrjen e masave përkatëse profesionale, ka inkurajuar të gjithë aktorët relevantë, organet e rendit, ligjit dhe drejtësisë që të punojnë në zbardhjen e të vërtetës.
Edhe kryetari i Komunës së Deçanit, Bashkim Ramosaj, e ka mirëpritur këtë vendim duke thënë se ky rast duhet të hetohet deri në përfundim të procedurave sipas legjislacionit në fuqi.
Ramosaj ka kërkuar që t’i jepet e drejta Komunës së Deçanit në menaxhim dhe të administrojë ujin e pijshëm në të gjithë territorin e kësaj komune. Ndaj këtij rasti ka reaguar kompania rajonale e ujësjellësit “Hidrodrini”.
© KOHA. Të gjitha të drejtat janë të rezervuara.
