Video

Avokati i Gucatit gjen mospërputhje në datat e shënimeve zyrtare të Speciales

1
 

Dëshmitari i tretë në gjykimin ndaj Hysni Gucatit e Nasim Haradinajt, Miro Jukiq, ka thënë se pas rrjedhjes së dokumenteve ka kontaktuar me dëshmitarë, që sipas tij, ishin të frikësuar. Gjatë dëshmisë, ky punonjës i sigurisë në ZPS ka thënë se pas secilës bisedë ka përpiluar shënime zyrtare, por për të njëjtat janë gjetur mospërputhje në data. Mbrojtja e Gucatit për këtë çështje ka drejtuar akuza të forta

Jonathan Elystan Rees, avokati që e përfaqëson kreun e OVL-UÇK-së, Hysni Gucati, e ka sfiduar ashpër dëshmitarin e tretë, në seancën e së enjtes, mbajtur në Hagë.

Miro Jukiq, pjesë e Zyrës së Prokurorit të Specializuar, u përball me pyetje për periudhën kur dyshohet se dokumente të Speciales u shpërndanë nga ish-krerët e organizatës së veteranëve të UÇK-së. Asokohe, ai ishte udhëheqës i ekipit për siguri dhe trajtim të dëshmitarëve.