Video

Drejtoresha e gjimnazit “Sami Frashëri” thotë se është e padëshiruar vetëm pse është femër

1
 

Ministrja e Arsimit, Arbërie Nagavci, ka vizituar gjimnazin “Sami Frashëri” për të diskutuar lidhur me bojkotin e mësimit nga mësimdhënësit e këtij institucioni shkollor. Shkak i këtij bojkoti është përzgjedhja e drejtoreshës Fahrie Retkoceri, e cila po konsiderohet e jashtëligjshme nga mësimdhënësit. Edhe MASHTI ka kërkuar nga Komuna ta anulojë konkursin. E drejtoresha ka thënë se ndihet e kërcënuar dhe e refuzuar vetëm pse është femër

Prishtinë, 1 nëntor - Profesorët e gjimnazit “Sami Frashëri” kanë vazhduar bojkotimin e mësimit, shkaku i përzgjedhjes së drejtoreshës Fahrie Retkoceri. Për këtë shkak, gjatë së hënës kjo shkollë është vizituar edhe nga ministrja e Arsimit, Arbërie Nagavci.

Por drejtoresha e shkollës, Fahrie Retkoceri, ka pranuar që është takuar me ministren, por nuk ka folur për atë që është diskutuar në takim. Ka thënë se pret nga shteti që të bëjë zgjidhje për situatën në të cilën ndodhet.