Ditёn kur gjatё 24 orёve tё fundit numri i rasteve pozitive me COVID-19 është bërë treshifror pas shumë kohësh – 100 - dyert e Qendrёs pёr Vaksinim “1 Tetori” nё Prishtinё, ishin tё mbyllura pёr qytetarёt.
Ani pse qytetarёt kishin marrё konfirmim paraprak nga Qendra e Imunizimit qё tё dielёn personeli shёndetёsor do tё punojё deri rreth orёs 13:00, qytetarët e interesuar e që kishin terminë të caktuar për këtë ditë, nuk mundёn ta merrnin vaksinёn.
“Terminin e kam bёrё dje pёrmes telefonit, mё thanё qё të dielën nё 12:35 e ke terminin për kёtu, por tash po del qё nuk ёshtё duke punuar. I pyeta kёta se çka duhet me bo tash, mё thanё nesёr (e hënë). I thashë a duhet me ba ndonjё termin tё ri, mё thanё jo, veç hajde”, ka thёnё qytetari Aridon Muja, që kishte shkuar nё “1 Tetori” për dozën e parё tё vaksinёs.
Ankesa tё kёsaj natyre kanё pasur edhe qytetarё tё tjerё qё nuk u vaksinuan tё dielёn.
Nё lidhje me kёtё, KOHA nuk ka arritur të kontaktojë koordinatorin e kёsaj qendre, Niman Bardhi.
Zyrtarёt e Ministrisё sё Shёndetёsisё ditё mё parё thanë pёr KOHЁN se gjatё vikendit qendrat e imunizimit nuk do të punojnё nëse kur nuk ka mjaftueshёm terminë. Për shembull, javën e shkuar kjo qendër e vaksinimit ishte e hapur.
Ministria ka shtuar se tё shtunёn dhe tё dielёn zakonisht administrohen dozat e dyta tё vaksinave “Pfizer” dhe “AstraZeneca”.
“Nё rastet kur qendrat e vaksinimit kanё numёr tё vogёl tё personave, qё kanё pёr t'u vaksinuar tё shtunёn e tё dielёn, ata pёr qëllime praktike dhe tё pushimit tё ekipeve tё vaksinimit, mund t'i ftojnё tё vaksinohen njё ditё mё parё, tё premten shembull, apo edhe tё hёnёn. Por kjo ndodh vetёm kur ka pak terminë pёr doza tё dyta gjatё vikendit, jo çdo vikend”, është thënë në një përgjigje të Ministrisё së Shëndetësisë.
Ndërkohë, pas shumë javësh, të dielёn në Kosovë është regjistruar numër treshifror i rasteve të reja me COVID-19. Janë regjistruar 100 raste. Këto raste kanë dalë nga kryerja e 2.849 mostrave të dyshimta për Sars CoV-2.
Sipas raportit ditor, numri i rasteve aktive ёshtё rritur në 539, nga 126 sa ishte para njё jave.
Sipas Shёrbimit Spitalor Klinik dhe Universitar i Kosovёs, 102 pacientё janё tё shtrirё nё klinikat COVID, nё mesin e tё cilёve 59 janё me oksigjeno-terapi e dy janё nё gjendje tё rёndё.
© KOHA. Të gjitha të drejtat janë të rezervuara.
